بعض ادب اهل هدار

سيديّ ولد هدار:
يَـ احْمَدْ كمْتْ ألاّ اتْبَجّلْ للطُّــــلْبَه فـ اْلمَـــــانْ
والطمّاعْ ؤ لا اتْحَــــجّلْ تليَــــــــــــانْ اْلحَسّانْ
شاعرْ جَاكْ إزُولْ مَحْـلُ ؤ ينزلْ زادْ اعْليكْ نَحْلُ
وَديبْ ؤ نزيـهْ و احْــــلُ واكريمْ ؤ سلـــــــــطانْ
غيرْ أهْلْ انْبُجانْ رَحْــلُ عَنْ بَــــلْ انْـــبُــــــجَانْ


ويقول:

ـ يعَگْلِ رَاعِ ذَاكْ احْسَيْ"" إِدَارْ أُ ذِيـكْ امَّلِّ دَيْـ
ـيَانَ وَفَچـَّارْ اعْلَ رَيْ"" ذُوكُ بِـيهْ الِّ منْهُمْ بَارْ
أُ ذِيكْ امَّلِّ زِيرةْ يَخَـيْ"" مَـانَ يَغَيْرْ احْسَيْ إِچَارْ


و يقول يمدح الأمير أحمد ولد الديد:

فيك أربع حتات أبديه = = ماهم فطفل غيرك نكريه
طبعك حت زين ؤنبيه = = ؤمتمغفر حـت مــبت
ؤمالك فسمع وذنك تعطيه = = حت واعظم راجل حت

ويقول ايضا:
يَـ عَگْلِ رَاعِ ذَاكْ احْسَيْ = = إِدَارْ أُ ذِيـكْ امَّلِّ دَيْـ
ـيَانَ وَفَچـَّارْ اعْلَ رَيْ = = ذُوكُ بِيهْ الِّ منْهُمْ بَارْ
أُ ذِيكْ امَّلِّ زِيرةْ يَخَــيْ = = مَانَ يَغَيْرْ احْسَيْ إِچَارْ
مَاهُ لكْصَيْـــرْ أُ دَيَّانَ = = مَـــاهِ بَكُّومَ وَفَچَارْ
مَاهْ انْچُولْ أُ زِيرةْ مَانَ = = مَاهِ نبْكتْ وُلْ آگُـرَارْ

محمد ول هدار

يا امْحمد نختير انوصـــــيك==واسمع لوصاي يا امحمد
لا تستهون ش شين اعليك==افطـــــــــن لخبار ألا ترتد
لا ترض يا امحمد بمْقــام==اسغير ولا تجهل لحكــــام
واكَْر لحكام اعل تسكــــام==ويلَ عتْ امْجمــــــــع فبلد
لا تغتاب ءُ كَللْ لكــــــلام==واحــذر لا تكعد فوجه حد
جهل النحو أل مـاه زين==واخْليل احكام فرض العين
وجهل اللوغ يا امحمد شين==وال يا امحمد ما وحد
ذاك الخير ايعود بلا دين==واحذر لا تطرح يا امحمد
عن ذ كامل ماه هييـــن==هاذ هيـــــــــــــين ايلار حد
لا تتواضع لهل التطراكَْ==فالمـــــــال اتواضع للخلاكَْ
اكبرت انت مانك مشتاكَْ==الحمــــد للـــــه اتفكـــــــد
واعط واخلاكك لا تظياكَْ==واعكد فمنين اسو تعكــد
واحذر لا تفلش مكر الرب==واعل كومك لا تسبـب
المسببْ ما يُطبَــــــــــــب==وفتسباب كان المقصـــد
ايعود اعـــل راص زرب==ما لاه يفتــــــح عن حد
ويل عت ابجاهك هنيه==وانعت كاع انك مانك بيه
ويل عت ابعلمك واسيه==يا امحمد للواحد لحـــد
امنين اتواسيه الخاطيه==امركت اخبارك يا امحمد
سرك يا احمد لا تعطيه==لل ماه مفلوش اعلــــيه
وال من حد ابغاك ابغيه==يسو كرب واسو بعـــــد
صرع العار اتف بيه الغيه==العار اخبار ما تشتد
جمع امجمع كبلك جوليه==يرجع يختيرك تتحيـــد
كون ايل عت امنين اتجيه==ايعود من اخيام اهل احمد