محمد لمين ول احمد دي

المديح:

خالعْنِ ذ منْ متْنْ الكلبْ == - فهْلْ اليوْم- اعلَ مُلانَ
وتْكَادي ش منهم في الذنْبْ == امْعَ فرْعــــــوْن وُهامانَ

وُخالعْني ذَ منْ شيْن الدِّينْ ==- طاري عادْ- وُمتْن اتْجوْجينْ
اعْلَ قدْر الصـــــــادق لمينْ == الْ منُّ لَفّـــــامْ امْلانَ
بالعَدْل، وُبالرّحْمَ، والليـــــنْ == والسّكيــــــنَه والرّزانَ

وخالعْني ذَ كاملْ منْ حدْ == ماينْقامْ -اعْلَ فعْلُ- حَدْ
وَكلامُ مـــــايكْدرْ ينْحَـــــدْ == في الرّدّه تبْتْ المُـلانَ
وَلْهاذَ مـــاهُ مسْتجْحَـــــد == وَخْلاكُ مـــــــاهِ رَجْفانَ

وله ايضا في المديح :

يبريلْ - انتَ- طاكْ الخَلاّكْ == عنكْ بيكْ انشرْحتْ لخلاكْ
مارتْـــهَ :عنّكْ -فيكْ- اخْلاكْــــــــت لْـبيهْ الرُسْلَ مَختــومَ
جيّابْ الشريعَـــه.. دَكْداكْ == أصنامْ الكفرْ المَكْعومَ
فرّاحْ المَوْؤودَة، نَـتّــــاكْ == اجْدورْ الظلمْ المَسْمومَ
لمينْ، المعلــــومْ، الرّفـاكْ == كمْنتْ لخلاقْ المعلومَه
لمّوْنكْ، وَسّـــاعْ أخَنــــاكْ == الناسْ الْ كانتْ محرومَه
لمْكانيـــــهَ عــاكبْ لفراكْ == لمْخاويـــــــــهَ بالمعلومَه
لمْواسيهَ - في الدينْ- اتفاكْ == مَنعومَه - بيهْ- وُمَكْرومَه
وَمْجيكْ انّ مــــــاهُ ترْكَاكْ == - يَابْريلْ- وُلافيهْ احْشومَه
وَابْعيدْ امْن الكذبْ، وُتمْطاكْ == امْردّ في الكَلبْ احْمومَه

ومنيْن الِّ عتْ اشهَرْ خيْر == وَاخْبارَكْ كاملْ مَفهومَه
كَــالُ عنّكْ "كذبَه".. يغير == الكذبَه كاعْ الّا هُـــــومَ



غزل :
امنين امشَ حدْ غالي == وعليهْ التلفاتْ
عادْ الدهرْ الاّ لْيالي == مافيه انهاراتْ

وله ايضا :

اشتميتْ الين اتجينَ ==يالناقد، واتشِيرْ اعلينَ
بطليْعَه، فيه تدعينَ == للبرورْ وُلحسانْ، أثرَكْ
يالناقدْ متغشمي فينَ == ولل نقدك ماحيه أثرَكْ؟

ولل تبغي ش فيهْ إجولْ == "بداع الجيل" اعلَ قدرَك
ماكط اسمعتْ الناسْ اتكولْ: = "الوصاك اعل امك حكرك"؟